我不入地狱，谁入地狱?天水围 元绿 寿司放题洗晒版、排晒长龙，原来佢仲有$98日式火锅放题，寿司同样任食，即刻去片睇下地狱唔地狱！

5款汤底拣 肥牛猪肉可任食

用餐时间得90分钟，细枱就一人一锅，大枱就要Share。汤底有5款拣，分别是特色咖喱、长崎猪骨汤、熊本蕃茄汤、九州地狱和寿喜烧汤。我哋叫咗长崎猪骨汤和九州地狱汤，地狱汤好快到，但猪骨汤等咗15分钟都上枱，原来漏咗落单，店员好有礼貌快手补返。

汤底上枱时，店员各拎咗2碟美国肥牛同美国猪肉俾我哋，牛肉色泽偏暗红，但都完整大件，有少少雪花纹；猪肉望落都正常，切成薄片，一夹好易散。

自助区域选择少 得15样嘢食

出面自助区域得15款火锅配料：蕃茄、芝士肠、蟹子丸、豆卜、翠玉瓜等，另一边有豆腐及乌冬，超少嘢拣，大部份味道都正常，最伏是乌冬，软淋淋到完全不用用牙咬，用条脷顶一顶就已经散开，似俾BB食的粉糰，好难食。

任食寿司 地狱滋味

任食寿司有两盆，第一转得三文鱼寿司，远睇唔觉有乜事，但近睇就出事啦！！！点解係黑色嫁？好惊呀！！！！勉强拣咗两件正常少少嚟试，嚿饭无出事，但三文鱼完全无三文鱼味，一咬落去仲要散开，好唔掂！

第二轮的玉子寿司都同样出事，睇落好乾身，但食落好甜，而且出水，太恐怖了！！！

最后想食返个雪糕定惊，点知一拎起个雪糕舀，又出事，辣到呀妈都唔认得，虽然出发点係好，但辣到揸唔到，叫人点食呢……..

总分:3/10

放题 Sell 寿司+火锅，但寿司得2款，而且质素超劣，起码扣4分。火锅来说，牛肉还可以，猪肉柴皮，蔬菜丸类选择少，饮品和雪糕也是求其得很，食咗D寿司无肚痛都算偷笑。我情愿俾多$40食XXClub，D肉靓D，蔬菜丸类粉麵选择多D，坐得舒服D，可自己唧软雪糕啰之余，饮品和甜品也有多D选择。

元绿寿司

地址: 天水围天华路33号颂富商场2期1楼128号舖(显示地图)

客户服务热线：2710 6868

天水围分店电话：2617 2345

日式火锅寿司放题供应时间: 星期一至四 6pm-8:30pm入座

星期五、六及公众假期 6pm-9pm入座

收费: 成人$98、小童$78

用餐时间:入座时间起计90分钟

备注:收加一

延伸阅读:

【自助餐放蛇起底组】$168韩烧 炸鸡小食任食

【18区扫食】 北角 搵鸡 $3水牛城鸡翼+百搭鸡髀餐